På skattejakt hos farmor

Eg treng ikkje reise på loppemarknad og bruke pengar på norgesglass – farmor har hyllemeter med alle storleikar tilgjengeleg. I tillegg til mange andre spennande skattar. Det kjem nok eit par innlegg til frå besøket mitt her!

Elskar den gamle After Eight-boksen og den blomstrete svarte kakeboksen.

Desse glaserte raudleirekrukkene har eg fått til odel og eige. Den minste skal innehalde kjøkkenreiskaper på kjøkkenbenken og den store skal bli kattematbehaldar (dersom eg finn eit dugande “lokk”). Kva eg skal finne på med den mellomste veit eg ikkje endå.

Forslag? :)

Aussie-bilete

Bondi Beach

Omsider har eg byrja å redigere litt på bileta eg tok i Australia, og har fått lagt ut eit knippe på Flickr-kontoen min. Du finn alle bileta ved å trykke deg inn på Flickr via linken nederst i sidemenyen her. Fleire kjem etterkvart som eg får redigert og publisert!

Zzzz…

Beachlife!

Alle foto: Privat

Fargerikt

Fint på ein fredag:  meter på meter med fargerike silkeband frå Søstrene Grene.

Birkelunden

I helga som var reiste eg til Oslo i skuleøyemed, men tok meg tid til sosialisering rett som det var. Søndagen før eg reiste traff eg flotte Ingvild, som eg ikkje har sett på år og dag. Kjekt! Vi åt fortreffeleg mat på Den Gode Café, og tråla Birkelunden bruktmarked i strålande sol.

Mykje fint og mykje rart å sjå på, som seg hør og bør på bruktmarked. Store mengder med folk hadde funne vegen til marknaden denne dagen, så vi vart ikkje verande så alt for lenge. Men midt oppi kaoset fann eg meg noko eg har lett etter lenge – det kjem i eit eige innlegg.

Fin symaskin – som diverre ikkje fekk vere med heim.

Alle foto gjengitt med tillatelse frå Ingvild Telle

Morsom mat

Rom

Eg dagdrøymer mykje for tida. Om eige hus på landet. Gammalt, stort og luftig, med knirkete tregolv i kvart einaste rom. Eg veit akkurat korleis alt skal sjå ut. Dessutan – når eg skal sove, opnar eg soveromsdøra og kjem inn eit rom som dette!

Foto © Signe Schineller, Re-signert av Signe

Eg skal på besøk til farmor i helga som kjem – eg trur eg må på leit etter ei liknande retropute. Eller kanskje eg må hente fram korssting-skillsa mine frå barneskulen og lage mi eiga?

Under bordet

Når det regnar ute og ein ikkje får lov til å gå ut, kan ein bruke tida på å finne nye, interessante liggeplassar. Som her – under stovebordet.

Utandørs

Det blir langt mellom innlegga når ein bur på sørlandet og har det vèret ein får servert her. Kan for ordens skuld seie at eg trakk i shorts etter at biletet vart teke… Temperaturane er akkurat høge nok til at eg trivst ute i sola. Vert det over 25 grader held eg meg inne – eg er ikkje noko varmedyr.

Godt selskap hadde eg i alle fall. Fersk bok utgitt av Johan Theorin, Blodleie. Bøkene er skrivne for fleire år sidan, men det er først den siste tida at dei har vorte utgitt i Norge. Det er fire bøker i serien, dei to føregåande bøkene heiter Nattefokk og Skumringstimen. Anbefalast opp og ned i mente! Det er noko spesielt med svensk krim altså.
Boka er forøvrig lånt på biblioteket. Miljøvenleg og billeg underhaldning ;)

Firbeint selskap hadde eg òg – dog litt mindre underhaldande enn boka. I sola trivst den kvite divaen best i skuggen under bordet på plattingen.

Primadonna på høgt nivå ;)

Plantevakt

Urtane spirer og gror i vindauget mitt, og Tetris passar på at ingen andre enn han får snike til seg ei smaksprøve no og då…

Bilete?

Passar desse polariod-inspirerte bileta her, eller bør eg gå over til “vanlege” bilete igjen? Kva ser best ut? Lesaren avgjer ;)