Januar går mot slutten, men det er framleis vinter i ein månad til dessverre. Den akk så tunge vinterperioden kan likevel gjerast litt lettare og meir overkomeleg med gode, varme og freshe vinterplagg. Aller helst denne fantastiske kåpa.

Og innunder kåpa må ein ha ein dugande strikkagenser, i tjukt garn med flettestrikk. Kjærleik!

Kjelde: Pinterest

]]> http://stabiltustabil.wordpress.com/2012/01/28/hald-varmen/feed/ 2 kristinvh kaape chunky http://stabiltustabil.wordpress.com/2011/10/31/isrosa/ http://stabiltustabil.wordpress.com/2011/10/31/isrosa/#comments Mon, 31 Oct 2011 20:43:58 +0000 kristinvh http://stabiltustabil.wordpress.com/?p=541 ]]>

Laurdag er min fråtsedag i veka, og denne laurdagen som var vart det ekstra mykje fråtsing. Det var Bondens Marked her i Bergen, og bodene bugna over av godsaker ein kunne smake på. I tillegg til ein gedigen skulebolle med eggekrem og syltetøy, og svele med rabarbrasyltetøy, fekk eg skvisa nedpå eit stort beger med økologisk bjørnebæris frå Isrosa. Min tidlegare favoritt frå Isrosa har vore vanilje med sjokobitar, men den må diverre sjå seg slått no.

I tillegg til å stille opp må Bondens Marked, har Isrosa eigen nettbutikk (!) for dei som held til i Kvinnherad, og distribuerer isen sin til ulike butikkar rundt om i landet. Gå inn på sidene deira for å sjå om dei sel is i nærleiken av deg. Iskremluksus :)

Eg feirer helga med ein bukett Fairtrade-merka kvite roser (med omtanke). Fine, ikkje sant?

Norgesglasa funkar flott som vase.

I kveld skal eg på byttefest igjen. Forhåpentlegvis kjem eg heim med ein fin skatt eller tre!

God helg!

Elskar detaljane i stoffet på “loppestolen” min. Skulle ønske det gjekk an å trekke den opp at i akkurat same stoffet! Kanskje eg kun treng å trekke opp att setet, som er mest slitt…? Akk, ja.

Dagens innlegg er utelukkande ei blogganbefaling. Nokre gonger snublar ein over bloggar ein berre MÅ følge med på, for dei er så godt skrive, bileta er så flotte og tematikken er midt i blinken for deg. Lost in a Spotless Mind var ein slik blogg for meg. Bloggaren Maria er utdanna stylist, og brukar bloggen sin til å formidle stiltips, lure triks for ein fashionista og diverse andre ting. Og innimellom kjem det óg personlege betraktningar på livet og korleis ein skal takle det. Ei herleg blanding, absolutt.

Innlegget eg vil anbefale er nettopp ei slik personleg betraktning. I innlegget About confidence, honestly har Maria skrive om dette med sjølvtillit og korleis hennar eigne erfaringar rundt dette er. Det meste ho skriv her kan eg som jente, og sikkert veldig mange andre, kjenne seg igjen i – og vite at vi må jobbe med det for å snu det negative til det positive. Les, reflekter og oppdag at ho har så rett, så rett ;) To tomlar opp frå meg.

Sidan mitt siste livsteikn i mai, har eg og sambuaren flytta på oss – frå Kristiansand til Bergen. Her har vi slått oss ned i ei leilighet i eit koseleg lite bergenshus. Sidan denne leiligheta i motsetning til den førre, ikkje var møblert, måtte vi skaffe oss ein heil del. Og kva er vel då kjekkare for miljøbevisste sjeler enn å konkurrere med seg sjølv i å finne mest mogleg brukt? Ja, det er litt meir tungvint å henge på finn.no og stå tidleg opp for å gå på loppisar. Og som regel må du bære fangsten heile vegen heim om du ikkje har bil – men kjensla av å ha funne noko unikt og fint, og å ha spart ein god del pengar, er absolutt verdt det!

Nokre ting her har vi skaffa oss nytt – som seng, eit par lampar og litt småting signert alle fattige studenters favorittsjappe Ikea. Men utanom det har leiligheta sakte men sikkert blitt møblert med bruktfunn (og håndlagde ting).

På biletet over er “kose/strikke/lesekroken” min. Både stolen, lampen, blomepotta til aloe veraen min, og pleddet er loppefunn – sum: 100 kr. Leselampen og bordet er frå Ikea.

Ellers så har handledilla mi på Epla.no gitt utslag i leiligheten. Biletet som heng over stolen er frå Carambatack Design, og strikketøymappene er frå Vanella.

Fleire glimt frå “bruktkåken” min kjem seinare!

Eg fann dette via bokmerkedelinga inne hos Kaptein Biff! Kvar veke deler ho av si rikhaldige bokmerkesamling, der eg har funne mange gode tips og triks. Sjekk ut!

Ugler er definitivt i motebiletet for tida – eit kjapt søk på den store verdsveven stadfestar dette til tusen. Eg har hatt ei dille på ugler i fleire år no, så eg er naturleg nok glad for dette. Når eg var i Australia fekk eg shoppa meg ugler til å ha både i øyrene og rundt halsen.

Mitt beste uglekjøp på aldri så lenge er denne stygg-fine tassen her! Han stod på eit bord på ein loppemarknad og ropte på meg. Veit ikkje heilt kva den har blitt brukt som, men for meg fungerer den utmerket som potte til kattegraset. Kattane verkar nøgde med nykomlingen.

Skal knipse fleire bilete av uglegalskapen min etterkvart!

I tillegg har eg vore på ein del loppisar i det siste, og har mange flotte kjøp å vise fram. Trur nok eg snart må opprette ein eigen kategori for loppemarknader. Ser at mange av dei som stikker innom har søkt på det og funne fram hit.

______

Og dersom nokon lurer på kvifor mesteparten av bileta mine vert tekne i vindaugskarmen, så er det fordi eg har ei vanvittig mørk leilighet og eit lite lyssterkt objektiv på kameraet ;)

Det er ikkje berre marsipanen og appelsina som er obligatorisk i påska. Gulrotkake må ein ha òg – om berre på grunn av fargen! Eg seier aldri nei takk til gulrotkake, men har faktisk aldri laga det sjølv før no. Og det vart fulltreffer på første forsøk! Likar å tru at det er fordi eg er slikt eit naturtalent på kjøkkenet… :P

Oppskrifta henta eg inne hos skjønne Underbara Clara.

Du treng:

3 egg

3 dl sukker

3 dl kveitemjøl

1 ts vaniljesukker

3 ts bakepulver

1,5 ts kanel

1 ts kardemomme

0,5 ts malt ingefær (kan sløyfast)

Ei klype salt

1,5 dl solsikke- eller soyaolje

4 dl rivne gulrøter (på finaste delen av råkostjernet)

Sett ovnen på 150 grader. Pisk egg og sukker til eggedosis. Bland først i det tørre, så olja og gulrøtene. Hell opp i ei lita langpanne/lasagneform. Steik midt i ovnen i omtrent ein time. Prøv deg fram med ei kakenål her.

Til glasuren:

60 gr mjukt smør

4 dl melis

100 gr Philadelfiaost

ei klype vaniljesukker

2 matskeier sitronsaft

Visp saman til luftig og jamn røre, og smør på avkjølt kake. Yummy! Kan forøvrig anbefale å byte ut sitronsafta med safta og det grøne skalet av ein (økologisk!) lime. Gjer glasuren endå litt syrlegare og god.

Kos dykk masse siste resten av påska! :)

Når eg besøker farmor søv eg på gamlerommet til yngste onkelen min. Og det er tydeleg at kreativiteten i familien vår ikkje avgrensar seg til kvinnfolka. I stolen ved senga ligg ei pute med Pepsi-logo sydd med korssting – signert nettopp onkel.

Liknar ikkje det minste på det trådsammensuriumet eg laga i handarbeidstimane på ungdomskulen. Stileg, sant? ;)