RSS Feed

Category Archives: Kvardagsliv

Isrosa

Laurdag er min fråtsedag i veka, og denne laurdagen som var vart det ekstra mykje fråtsing. Det var Bondens Marked her i Bergen, og bodene bugna over av godsaker ein kunne smake på. I tillegg til ein gedigen skulebolle med eggekrem og syltetøy, og svele med rabarbrasyltetøy, fekk eg skvisa nedpå eit stort beger med økologisk bjørnebæris frå Isrosa. Min tidlegare favoritt frå Isrosa har vore vanilje med sjokobitar, men den må diverre sjå seg slått no.

I tillegg til å stille opp må Bondens Marked, har Isrosa eigen nettbutikk (!) for dei som held til i Kvinnherad, og distribuerer isen sin til ulike butikkar rundt om i landet. Gå inn på sidene deira for å sjå om dei sel is i nærleiken av deg. Iskremluksus :)

Bruktleilighet

Sidan mitt siste livsteikn i mai, har eg og sambuaren flytta på oss – frå Kristiansand til Bergen. Her har vi slått oss ned i ei leilighet i eit koseleg lite bergenshus. Sidan denne leiligheta i motsetning til den førre, ikkje var møblert, måtte vi skaffe oss ein heil del. Og kva er vel då kjekkare for miljøbevisste sjeler enn å konkurrere med seg sjølv i å finne mest mogleg brukt? Ja, det er litt meir tungvint å henge på finn.no og stå tidleg opp for å gå på loppisar. Og som regel må du bære fangsten heile vegen heim om du ikkje har bil – men kjensla av å ha funne noko unikt og fint, og å ha spart ein god del pengar, er absolutt verdt det!

Nokre ting her har vi skaffa oss nytt – som seng, eit par lampar og litt småting signert alle fattige studenters favorittsjappe Ikea. Men utanom det har leiligheta sakte men sikkert blitt møblert med bruktfunn (og håndlagde ting).

På biletet over er «kose/strikke/lesekroken» min. Både stolen, lampen, blomepotta til aloe veraen min, og pleddet er loppefunn – sum: 100 kr. Leselampen og bordet er frå Ikea.

Ellers så har handledilla mi på Epla.no gitt utslag i leiligheten. Biletet som heng over stolen er frå Carambatack Design, og strikketøymappene er frå Vanella.

Fleire glimt frå «bruktkåken» min kjem seinare!

Birkelunden

Posted on

I helga som var reiste eg til Oslo i skuleøyemed, men tok meg tid til sosialisering rett som det var. Søndagen før eg reiste traff eg flotte Ingvild, som eg ikkje har sett på år og dag. Kjekt! Vi åt fortreffeleg mat på Den Gode Café, og tråla Birkelunden bruktmarked i strålande sol.

Mykje fint og mykje rart å sjå på, som seg hør og bør på bruktmarked. Store mengder med folk hadde funne vegen til marknaden denne dagen, så vi vart ikkje verande så alt for lenge. Men midt oppi kaoset fann eg meg noko eg har lett etter lenge – det kjem i eit eige innlegg.

Fin symaskin – som diverre ikkje fekk vere med heim.

Alle foto gjengitt med tillatelse frå Ingvild Telle

«Down Under»

Posted on

178

Mitt bloggfråver denne gongen skuldast heisatur til Australia! Ei oppleving for livet, utan tvil. Traff på mange kjekke aussies, blant anna denne hårete vesle tassen. Tok eit heilt minnekort med bilder, så må gå igjennom og redigere/slette litt. Bileteinnlegg kjem (til den som ventar tålmodig…)!

Kindle og co.

Posted on

Ehm… godt nytt år!

Ingen kan anklage meg for å vere ein aktiv bloggar. Og eg veit det så godt sjølv. Men til mitt forsvar – eg fekk meg Kindle til jul! Så den må nok ta ein del av skulda. Lesing vart med eitt så mykje kjekkare enn alt anna. Og med Kindle går lesinga som ein leik. Norske e-bøker er førebels ei sjeldan vare, og er ikkje kompatible med Kindle, så alt eg har kjøpt er engelske bøker. Blant mine første kjøp var Neil Gaiman – American Gods og komplett samling med Sherlock Holmes-historier. Sistnemnde betalte eg 14 kroner og 10 øre for. Meir eller mindre. Dollaren er lav om dagen, så go nuts på Amazon!

Innlegget er kategorisert under «Grøn kvardag» med god grunn, for det vert ikkje stort meir miljøvenleg enn dette. Sparar masse papir (og ikkje minst plass!) og logistikk-aspektet forsvinn heilt. Det skal seiast at eg lenge har vore veldig anti-lesebrett, og eg elskar framleis lukta og kjensla av papirbøker. Men dingse-guri som eg er, kombinert med bokorm, så er dette midt i blinken. Og sambuaren tok hintet når fjorårets julegåve skulle handlast. Flinke mannen.

Dersom du ynskjer deg eit lesebrett kan eg varmt anbefale Kindle. Mange meiner iPad er eit betre kjøp, men eg er av den oppfatning at Kindle er eit LESEbrett, og er laga og fungerer utmerket deretter. Ipad’en er meir for leik og moro – sjølv om ein òg kan bruke det til å lese bøker og magasiner på.

Det flotte etuiet på biletet er «spesialbestilt» frå Sting og Ting-Ida. Ho tok utfordringa med å lage eit, og eg fekk i oppgåve å teste det ut. So far, so good. Det passar som hand i hanske, er relativt godt fora og er beint fram nydeleg fint! Dersom du spør fint, lagar ho heilt sikkert eitt til deg óg :)

Ukens bevisste blogger

Det er ikkje til å kome utanom at i eksamenstida stoppar verda litt opp. Det same gjeld for meg. Bloggen går for lut og kaldt vatn, nyhender vert skumma igjennom utan at eg heilt veit kva eg har lest, og det vert lite tid til noko anna enn pensum (og syns synd på seg sjølv…).

Men i dag har eg latt eksamen vere eksamen, og har gjort eit forsøk på å ta igjen litt lesing av både nyhende og bloggar. Og når eg var ein svipptur innom Grønn og skjønn-bloggen for å lese siste nytt, ser eg plutseleg min eigen header under «Ukens bevisste blogger»! Morro, morro! :) Håpar dykk som har tatt turen innom bloggen har funne noko verdt å lese, sjølv om eg ikkje har oppdatert på ei stund.

Kirsebær-pris!

Sjølv om blogginga her er noget fråværande for tida, så hindra det meg likevel ikkje i å motta ein bloggpris! Den kom frå søtaste Allis. Tusen takk!

Regler for prisen
1. Takk den du har mottatt prisen fra.
2. Kopier prismerket til bloggen din.
3. Fortell 3 ting du liker å gjøre.
4. Send prisen videre til 5 deltagere som du føler fortjener den.

3 ting jeg liker å gjøre:
– pusle rundt med ymse prosjekter (gjerne så mange som mogleg på same tid…)
– «leike på papir» med ord og formuleringar
– strikke

 

… æsj, berre tre ting? Eg som har så mykje kjekt eg likar å gjere! Jaja :)

 

I tillegg er det meininga at eg skal gje den vidare til 5 andre som fortener den. Det vert ikkje noko problem, men usikker på kven som har fått den og ikkje. Uansett:
Janne Helen – fordi ho tek aldeles nydelege bilete, samme kva motivet er.
Yvonne – for sine fantastiske matoppskrifter (prøv den italienske pølsegryta!)
Janne – fordi ho er mi fantastiske, gode venninne, og fordi ho skriv flotte blogginnlegg om sitt utanlandsopphald i Australia
Isabel – for sine fantastiske kvardagsanekdoter og ymse humoristiske innspel.
Frøken Paris – for solide dosar med farge i kvardagen, og fransk oversetjing – eg prøvar å sjå kor mykje eg hugsar av skulefransken min ;)