RSS Feed

Tag Archives: loppemarked

Bruktleilighet

Sidan mitt siste livsteikn i mai, har eg og sambuaren flytta på oss – frå Kristiansand til Bergen. Her har vi slått oss ned i ei leilighet i eit koseleg lite bergenshus. Sidan denne leiligheta i motsetning til den førre, ikkje var møblert, måtte vi skaffe oss ein heil del. Og kva er vel då kjekkare for miljøbevisste sjeler enn å konkurrere med seg sjølv i å finne mest mogleg brukt? Ja, det er litt meir tungvint å henge på finn.no og stå tidleg opp for å gå på loppisar. Og som regel må du bære fangsten heile vegen heim om du ikkje har bil – men kjensla av å ha funne noko unikt og fint, og å ha spart ein god del pengar, er absolutt verdt det!

Nokre ting her har vi skaffa oss nytt – som seng, eit par lampar og litt småting signert alle fattige studenters favorittsjappe Ikea. Men utanom det har leiligheta sakte men sikkert blitt møblert med bruktfunn (og håndlagde ting).

På biletet over er «kose/strikke/lesekroken» min. Både stolen, lampen, blomepotta til aloe veraen min, og pleddet er loppefunn – sum: 100 kr. Leselampen og bordet er frå Ikea.

Ellers så har handledilla mi på Epla.no gitt utslag i leiligheten. Biletet som heng over stolen er frå Carambatack Design, og strikketøymappene er frå Vanella.

Fleire glimt frå «bruktkåken» min kjem seinare!

Ugledilla

Posted on

Hei! Stikk hovudet ut frå eksamensbobla mi for å poste eit kjapt innlegg.

Ugler er definitivt i motebiletet for tida – eit kjapt søk på den store verdsveven stadfestar dette til tusen. Eg har hatt ei dille på ugler i fleire år no, så eg er naturleg nok glad for dette. Når eg var i Australia fekk eg shoppa meg ugler til å ha både i øyrene og rundt halsen.

Mitt beste uglekjøp på aldri så lenge er denne stygg-fine tassen her! Han stod på eit bord på ein loppemarknad og ropte på meg. Veit ikkje heilt kva den har blitt brukt som, men for meg fungerer den utmerket som potte til kattegraset. Kattane verkar nøgde med nykomlingen.

Skal knipse fleire bilete av uglegalskapen min etterkvart!

I tillegg har eg vore på ein del loppisar i det siste, og har mange flotte kjøp å vise fram. Trur nok eg snart må opprette ein eigen kategori for loppemarknader. Ser at mange av dei som stikker innom har søkt på det og funne fram hit.

______

Og dersom nokon lurer på kvifor mesteparten av bileta mine vert tekne i vindaugskarmen, så er det fordi eg har ei vanvittig mørk leilighet og eit lite lyssterkt objektiv på kameraet ;)

Skål(er)!

Posted on

Eg hadde ingen visjonar om å finne noko brukande (til overkommeleg pris!) på Birkelunden, men der tok eg grundig feil. Fine dessertskåler har stått på mi «må ha»-liste i ei evighet. Og kva trur de eg fann?

Der stod dei. Tre skåler til ein 50-lapp. Billeg kvardagslykke! No gjenstår det berre å sjå om det dukkar opp fleire skåler av same sorten ved ei seinare anledning – kan jo ikkje ha berre tre.

Birkelunden

Posted on

I helga som var reiste eg til Oslo i skuleøyemed, men tok meg tid til sosialisering rett som det var. Søndagen før eg reiste traff eg flotte Ingvild, som eg ikkje har sett på år og dag. Kjekt! Vi åt fortreffeleg mat på Den Gode Café, og tråla Birkelunden bruktmarked i strålande sol.

Mykje fint og mykje rart å sjå på, som seg hør og bør på bruktmarked. Store mengder med folk hadde funne vegen til marknaden denne dagen, så vi vart ikkje verande så alt for lenge. Men midt oppi kaoset fann eg meg noko eg har lett etter lenge – det kjem i eit eige innlegg.

Fin symaskin – som diverre ikkje fekk vere med heim.

Alle foto gjengitt med tillatelse frå Ingvild Telle

Loppefunn

Sjølv om det søde sørland ser ut til å ha kronisk mangel på loppemarknader, klarte eg faktisk å finne fram til to stykker i dag. Eit skulekorps-loppemarked, og eit loppemarked/kaféarrangement til inntekt for etablering av eit bydelshus i «min» del av Kristiansand. Huset er eigentleg ikkje eit hus, men ei stor nedlagt mølle! Veldig gammal og veldig spesielt. Ikkje innlagt vatn ein gang.

(bilete lånt her)

Eg fann null/niks/nada på den første loppisen (eg var inne i kanskje 10 minutt før eg gjekk heim…), men etter ein tur heim for å få litt lunsj bar det opp på vårt soon-to-be bydelshus. Der vart det fangst.

Det første eg kapra meg var desse gamle trekassene. Dei stod stabla akkurat som dette, og i hodet mitt sa det «bokhylle!» med ein gang eg såg dei – sikkert inspirert av Signe Schineller si tøffe hylleløysing. No har eg riktignok ikkje plass til desse i stova, så dei vart plasserte i kjellerrommet som oppbevaringshylle enn så lenge. Dei er heilt ubehandla, så fekk frykteleg lyst til å male dei anten kvite, eller i ein eller annan knæsj farge. Men inntil vidare får dei stå slik.

Fangst nummer to – eit KK frå året mamma vart fødd (det herrens år 1960)! Urkomisk å lese i. Eg interesserer meg vanlegvis ikkje for desse gamle bladene, men ei av overskriftene fanga interessa mi – så eg raska det med meg til 5 kr ;)

Denne! Som fersk symaskineigar tenkte eg kanskje eg kunne plukke med meg nokre tips frå artikkelen, sjølv om den er 50 år gammal… Stod ein del smart i den! Dessverre er det tydelegvis ein følgjetong, og eg fant ingen andre blad der den heldt fram, så eg får klare meg med å lære å måle opp og klippe stoff enn så lenge.

Siste funnet var ei lita vintage veske frå tidleg 80-tal, med koseleg fór, «lakk-lokk» og lang reim. Eg har trengt ei lita festveske, og denne var perfekt.

Eg betalte rundt 150 kr for alt saman, og det var berre fordi eg la inn litt ekstra kronasj for å støtte etableringa av bydelshuset. Det er alt for lite som skjer utanfor sentrum, og eit bydelshus er eit kjemeflott tiltak. Så no må folk vise at dette er noko dei ynskjer velkomen! Dersom du bur i Kristiansand og ikkje har planer i kveld, så skal det vere konsertar og diverse der frå kl. 20.00 og utover.

Meir loppemoro

Posted on

Det var med risiko for liv og helse at eg tok turen til Lund kirke og eindagsloppemarkedet der i helga som var. Det var VILT! Folk som kom litt etter opningstid snudde i døra, og folk som allereie var inne svima av. Eg klarte meg fint blant hordane med folk, og kom meg til og med derifrå med litt loppefangst som eg har ete frukosten min på i dag.

I tillegg til nokre stoffbitar og eit par blomepotter til ein slikk og ingenting, fann eg meg desse nydelege koppane frå Figgjo Flint.

Der stod sju koppar, eg kjøpte berre fire. Eg angrar ein smule på det no. Prosjekt for neste loppis: kjøpe fleire koppar, og finne fat i same stilen.

Eg er ein smule listegal, og hadde faktisk skrive «handleliste» til dette loppemarkedet. Fann dog berre eit av punkta på lista. Nye eggeglas! Berre positivt at dei går i same blåfarge som koppane ;)

Og når både koppane og eggeglasa matchar blåfargen på billigserviset mitt frå Ikea – ja, då kan det ikkje bli betre. Brukt og nymotens går hand i hand.

Loppehelg

Posted on

Førre fredag sat eg på bussen til Oslo, klar for loppemarkedmoro heile helga. Koselege Ida Victoria og pusen hennar Muskatt hadde ein ledig plass til meg på gjesterommet, og eg fekk vere haleheng på loppemarkedene i Bærum. For ei oppleving! Eg har berre vore på to loppisar tidlegare, så det var ikkje fritt for at eg gløymde litt å sjå etter morsomme lopper og heller lot meg fascinere av alle menneska. Men nokre lopper fekk eg med meg heim att.

Det eg trur eg er mest fornøgd med, må vere denne vesle lysestaken i sink. Eg rakk ikkje å sjå skikkeleg på han før eg raska han med meg, men i etterkant har eg blitt skikkeleg glad i den. Eg ville ha ein slik fordi farmor har fleire slike ståande heime hos seg, og eg har likt dei heilt sidan eg var lita jente. I utgangspunktet ville eg ha den på soverommet, men den passa så godt på lysfatet mitt på stovebordet.

Farmor har i det heile tatt påvirka loppiskjøpene mine veldig mykje. Dette serviset har farmor heime, og eg kjøpte meg to asjettar i same stil. Berre for å ha kveldsmaten min på.  Eg må forresten veksle mellom fatene. Fann nemleg òg eit fat med tre sirkuselefantar på, som er same motiv som eg har på ein kopp frå «gamle dager». Drakk alltid kakao frå den når mamma laga bollar&kakao. Minner, altså!

Eg lot meg sjølvsagt inspirere av stoffshoppinga til Ida, og kom heim igjen med tre fine, duse stoff som eg skal finne på noko lurt å lage av når eg omsider får symaskin i hus. Men konkluderte likevel tidleg med at det ikkje er noko vits i å handle inn masse stoffer å sy ting av dersom det viser seg at eg ikkje meistrer symaskinkunsten ;) Så det vart med desse tre. Fine, ikkje sant?

Og så… Aldri ein loppemarknad utan å kjøpe oppussingsobjekt!

Eit avisstativ og ein puff. Fekk begge to i lag for ein 50-lapp! Avisstativ har eg hatt lyst på lenge, men det er sånt eg ikkje får meg til å kjøpe nytt. Dette var solid og bra, men med ein farge som ikkje passar heilt inn her. Trur den skal pussast og malast kvit, så kan eg eventuelt bestemme meg seinare for å male den i ein skikkeleg knæsj farge.
Puffen var eit kanonkjøp. Passeleg stor, og med masse lagringsplass. Den skal vaskast, malast og lokket skal trekkast om. Kva stoff som skal brukast var uklart, men etter ein kjapp tur på Stoff & Stil fann eg eit nydeleg fint stoff med sommarfuglar. Overhode ikkje eit stoff som passar til noko som skal sitjast på (det var meir som eit gardinstoff), men det bryr eg meg ikkje om ;) Eg prøvar, og går det ikkje så får stoffet bli til putetrekk e.l.

No til helga er det loppemarknad her i byen. Det er berre på laurdagen og varer kun nokre timar, men eg må jo innom for å sjå…